بسم الله الرحمن الرحيم
------------------
هل ابحسن طالعه .....ألله ماأروعـــــه
عباس بدر ألأمل ..... للناس أصبح مـثل
من ذاته من مرضعه ..... ألله ما أروعه
------------------
هذا ألرضع ثدي الوفه والأِيمان
هذا اليضل غنوه على كل السان
هذا الذي يفتخر بي كل انسان
وأسمه على صدر العقيده نيشان
مو عبث من والده ..... يتبشّر ابمولده
يتفكّر ألصورته ..... غرّة بدر غرّته
سبحان من أبدعه ..... ألله ما أروعه
-----------------
أبنظرات حيدر هالشبل يتشرّف
يتفكّر ألوجه او عليــــه يتعطّف
مو وجه كدامه يعاين مصحـــف
ابكل المعاني الساميه يتوصّف
يتوسم ابهالشبل ..... ابوجه الوفه والفضل
ألكرار شيوصفه..... أجمل معاني الوفــــه
ابهالوجه متجمعه ..... أللـــه ما أروعـــــه
----------------------
ينادي علي يحسين يبني وينك
ابشوفة عضيدك يبني كحّل عينك
يحســـــــــين خلي يمنته بيمينك
وهذا عهد ما بين اخوك اوبينك
لسنين عمره يشدهن او يسنينك
بسنينك ايولفك ..... ابكل فعل ميخالفك
وياك يكضي ألعمر ..... وينصرك ابكل أمر
بجهوده ألواسعه ..... ألله ما أروعه
--------------------
راية على وجوده اوسيفه المعلوم
صارن بسم عباس من هذا اليوم
ايعرفه كفو يمشي اعله نهجه المرسوم
بيهـــن يخلّد ها مناقـــب وعلـــــــوم
إثلاثه الذي اتودّعن ..... بجفوف حامي ألضعن
من حيدر ألضنوته ..... والرابعه همّته
وستارث ألأربعه ..... ألله ما أروعه
--------------------
هذا الحديث اللي بده من حيدر
عن هالوليد إسمعه كلّ المحضر
ألكّلب اجفوفه ابهالأمر شتذكّر
يخبرهم اجفوفه من الزند تتبتّر
اويتلاكن اويه جفوف عمّه جعفر
الجفين من تنفصل ..... ابرج المجد تتصل
اجفوف الوفه تتحد ..... جعفر حضه ابهالمجد
بجفوفه المكطّعه ..... ألله ما أروعه
-------------------
اوزينب تجي يمّه اوتهز ابمـــهده
اوبالمهد معصبها الشريف اتشدّه
هــاي الذي تصبح وديعه عنـــده
هـــوّالذي ايشيّد خدرها ابــــــيدّه
يلتزم هذا الخدر..... بحماه يظل مستمر
مجهوده الذاخره ..... الهالخدر من حيدره
عد ضنوة امودعّه ..... ألله ما أروعه
---------------------------------
أم البنيــن التســـتمع وتشـــــــاهد
استبشرت من سمعت حديث الوالد
عرفت شـــبلها للعقيـــده ايجاهـــد
اوعرفت أسمها ابأسمه يصبح خالد
يناديها حامي الحمه ..... بشراج يافاطمه
هذا الكيانج ذخر ..... او وجها المجدج بدر
ويغيب عالمشرعه ..... ألله ما أروعه
الخميس يناير 17, 2008 6:21 pm
